[A] Dragon's Call <CH> AQ40 9/9 suecht

CH suecht Verstärkig fürde aktuell und zuekünftig Raidcontent

Mir sind e fast reini Schwiizer Gilde ufem Server Dragon’s Call, wo sit Afangs Classic bestaht und bisher erfolgriich alli Raids cleared het, au wemmer eher Casualmässig unterwegs sind.
Bi uns hets vili Members wo Familie, Chind und no anderi Hobbies händ und daher leged mir Wert uf es usgliechnigs Gameplay. Trotzdem wemmer de aktuelli Raidcontent in einigermasse sinnvoller Ziit chöne mache und gönd de au ernsthaft ah.

Was chönd mir eu biete?

  • Aktuelle Raidcontent clear AQ40 9/9
  • Es fairs DKP System mit Decay (EPGP)
  • E aktivi Gmeinschaft komplett uf Schwiizerdütsch
  • Communityplattforme wie Discord und Teamspeak
  • Hilfsbereite und Erfahreni Mitspieler

Was erwarte mir?

  • Mindestens Verständnis vo Schwiizerdüütsch/Dialekt
  • Bereitschaft sich ide Gilde z integriere und Aktivität in üsne Raids
  • Aständig Umgang mitenand
  • Klassekenntnis bzw. kei Resistenz zu Verbesserigsvorschläg
  • Eigenständigi Raidvorbereitig

Wenn raide mir?

  • Sunntig: 19:00 – 23:00
  • Mentig: 20:00 – 23:00
  • Dunnschtig (Optionali 20er Raids): 20:00-23:00

Was sueche mir?

  • Druide: hoch (Heal, Üüle, Feral)
  • Priester: hoch (Heal, Schatte)
  • Paladin: mittel (Heal, Prot)
  • Krieger: mittel (DPS)
  • Jäger: mittel
  • Magier: niedrig
  • Schurke: gschlosse
  • Hexenmeister: gschlosse

Wo chamer sich bi Interesse melde?

  • Druide: Glaimby
  • Priester: Firstaidkit
  • Paladin: Sanitöter
  • Krieger: Fraank
  • Jäger: Interrupt
  • Magier: Fanajin

Gildeleitig: Joecoffee, Opheliablack, Glaimby, Fanajin, Interrupt