[Gilneas] helvetische Recken - schweizer Gilde sucht

Hallo zäme

d’Gilde „helvetische Recken“ (Gilneas / allianz) existiert sitem 18.10.2009, auso meh aus 10 Jahr. Das isch ä längi Zyt und mir si uf drü Sache stolz:

  • Mir hei üs ungerdesse zure typische Fürabe-Gilde entwicklet, wo jedi und jede näbstem Game no ganz viu anderi Prioritäte (Schaffe, Familie, Sport, anderi Hobbies) het.
  • Glichwohl heimer nach wie vor ä Gilderaid, wo wüchentlech loszieht um die mächtige Gägner vo Azeroth ds bezwinge. Mir si nid henne guet, aber mir heis immer luschtig und meischtens gäbe mr üs sogar müeh :smiley:
  • d’Amtssprach ir Gilde isch effektik immer no schwizerdütsch. Und das, obwohl sich 3-4 Dütschi i üse Kreis igschliche hei. Im Gildechat, ir Whatsapp-Gruppe und im Voicetool (Discord) wird mehrheitlech in Mundart kommuniziert.

Leider hei mer chli ds kämpfe mitem knappe Raidkader - ufem Papier simer eigentlech henne viu. Wie das aber so isch mit dr ü30-Generation: Irgendöpper het sicher immer irgendöppis los, sigs brueflech, familiär oder haut ufgrund vo anderne Hobbies. Drum si mir starch drann interessiert, üsi Gruppe chli ds vergrössere - dank de flexible Raidgrössi isch das problemlos machbar.

Hie churz d’Eggdate zu üsem Raid:

Raidtag und -Zyt: Donschtig, 20.30 - 23.00

Voicetool: Discord

Ziel: NHC clear, HC so viu wi geit
–> aktuell hei mir mittlerwile HC clear (uf wowprogress NID sichtbar, da äs paar x-Realm mitraide) u mir vertribe üsi Raidäbe mit Twinkraids.

Gsuechti Klasse: eigentlech aues - jedoch insbesondere uf de DPS-Slots heimer immer wider Ängpass (egal, ob Melee oder Range).

Het di die „Wall of text“ gluschtig gmacht? De mäud di doch entweder hie i däm Bitrag oder tue mi ingame adde (Battle.net: Ziger#2818).

Mir fröie üs über witeri wow-Gspändli :+1:

Für d’Allianz - und für’s Ämmital!

Mir sueche immerno nätti Mitspieler! :slightly_smiling_face:

wir sind nach wie vor auf der Suche nach Verrückten - ähm… Gleichgesinnten :slight_smile:

Sind Ihr immer no am luege ? Sueche au no e Schwiizer Gilde fuer die Shadowlands.

jep :slight_smile:

am beschte BattleNet adde u mir luege ingame!

Hani gmacht und han au e request gmacht zum de Gilde bitrete mit mim Jaegger

Schubs :slight_smile:
Meldet euch!

Und ufe dermit! :love_you_gesture:

Dieses Thema wurde automatisch 30 Tage nach der letzten Antwort geschlossen. Es sind keine neuen Nachrichten mehr erlaubt.