Hallo zäme
d’Gilde „helvetische Recken“ (Gilneas) existiert sitem 18.10.2009, auso meh aus 10 Jahr. Das isch ä längi Zyt und mir si uf drü Sache stolz:
Mir hei üs ungerdesse zure typische Fürabe-Gilde entwicklet, wo jedi und jede näbstem Game no ganz viu anderi Prioritäte (Schaffe, Familie, Sport, anderi Hobbies) het.
Glichwohl heimer nach wie vor ä Gilderaid, wo wüchentlech loszieht um die mächtige Gägner vo Azeroth ds bezwinge. Mir si so durchschnittlech guet u mir heis immer luschtig und meischtens gäbe mr üs sogar müeh
d’Amtssprach ir Gilde isch effektik schwizerdütsch. Und das, obwohl sich 2-3 Dütschi i üse Kreis igschliche hei. Im Gildechat, ir Whatsapp-Gruppe und im Voicetool (Discord) wird mehrheitlech in Mundart kommuniziert.
Zum üses Raidteam ufstocke, sueche mir geng chli Lüt. Wie das so isch mit dr ü30-Generation: Irgendöpper het sicher immer irgendöppis los, sigs brueflech, familiär oder haut ufgrund vo anderne Hobbies. Drum si mir starch drann interessiert, üsi Gruppe chli ds vergrössere - dank de flexible Raidgrössi isch das problemlos machbar.
Hie churz d’Eggdate zu üsem Raid:
Raidtag und -Zyt: Donschtig, 20.30 - 23.00
Voicetool: Discord
Ziel: NHC clear, HC so viu wi geit
–> aktuell hei mir NHC clear, uf heroisch heimer bis und mit Anduin umboxt und denn ä Pouse igleit.
Gsuechti Klasse: eigentlech aues u nüt - füre Raid sueche mir vor auem Verstärkig i Form vo DPS, gärn ou mit pflegtem Tank-Specc. Für ds allgemeine Gilde"läbe" spiut Klasse-/Rolle-Wahl hingäge so ziemli gar ke Roue.
We nid grad Raid isch, de fingt sech regumässig ä Gruppe (mängisch ou zwöi), wo zäme m±Dungeons louft. D’Bandbreiti zieht sech vo chline Keys über Lüt, wo jewiels eifach dr KSM erspile bis zu settige, wo Keys müglechscht höch wei pushe.
Het di die „Wall of text“ gluschtig gmacht? De mäud di doch entweder hie i däm Bitrag oder tue mi ingame adde (Battle.net: ziger#2818).
Für d’Allianz - und für’s Ämmital!