Hallo zäme
d’Gilde „helvetische Recken“ (Gilneas / allianz) existiert sitem 18.10.2009, auso meh aus 10 Jahr. Das isch ä längi Zyt und mir si uf drü Sache stolz:
-
Mir hei üs ungerdesse zure typische Fürabe-Gilde entwicklet, wo jedi und jede näbstem Game no ganz viu anderi Prioritäte (Schaffe, Familie, Sport, anderi Hobbies) het.
-
Glichwohl heimer nach wie vor ä Gilderaid, wo wüchentlech loszieht um die mächtige Gägner vo Azeroth ds bezwinge. Mir si nid henne guet, aber mir heis immer luschtig und meischtens gäbe mr üs sogar müeh
-
d’Amtssprach ir Gilde isch effektik immer no schwizerdütsch. Und das, obwohl sich 3-4 Dütschi i üse Kreis igschliche hei. Im Gildechat, ir Whatsapp-Gruppe und im Voicetool (Discord) wird mehrheitlech in Mundart kommuniziert.
Leider hei mer chli ds kämpfe mitem knappe Raidkader - ufem Papier simer eigentlech henne viu. Wie das aber so isch mit dr ü30-Generation: Irgendöpper het sicher immer irgendöppis los, sigs brueflech, familiär oder haut ufgrund vo anderne Hobbies. Drum si mir starch drann interessiert, üsi Gruppe chli ds vergrössere - dank de flexible Raidgrössi isch das problemlos machbar.
Hie churz d’Eggdate zu üsem Raid:
Raidtag und -Zyt: Donschtig, 20.30 - 23.00
Voicetool: Discord
Ziel: NHC clear, HC so viu wi geit
–> aktuell hei mir mittlerwile HC clear (uf wowprogress NID sichtbar, da äs paar x-Realm mitraide) u mir vertribe üsi Raidäbe mit Twinkraids.
Gsuechti Klasse: eigentlech aues - jedoch insbesondere uf de DPS-Slots heimer immer wider Ängpass (egal, ob Melee oder Range).
Aktuells Kader: mir hei würklech äs guets Grüscht („jede“ Donschti awäsend si: 2 Tanks, 2 Heiler, 3 DPS - die witere Raidmitglieder si immer wieder mau ungerschidlech awäsend).
Het di die „Wall of text“ gluschtig gmacht? De mäud di doch entweder hie i däm Bitrag (bitte ke PN, i luege quasi nie i Messenger) oder tue mi ingame adde (Battle.net: Ziger#2818).
Mir fröie üs über witeri wow-Gspändli 
Für d’Allianz - und für’s Ämmital!
- gibt es von mir zumindest einen Push für die Kreativität der Suche.
